Fram og aftur blindgötuna

Ætla að dúlla mér norður á bóginn í dag. Bíllinn var að koma úr skoðun. Fékk að vísu endurskoðun út á einhvern tittlingaskít og smáræði, en fákurinn er í toppstandi þrátt fyrir það og mun rjúka í gegnum skoðun þegar ég hef kippt þessu í liðinn. Þangað til ætla ég norður á kagganum. Kallinn er farinn að skrifa eins og súkkulaðihnakki. Dauðans. Ég fer fram á að allir sem ég þekki fyrir norðan, og margir sem ég þekki ekki, taki frá næstu helgi fyrir viðurstyggilegt fyllerí. Eða te- og skonsuboð - ég hef ekki ákveðið hvort það verður. Og nú ætla ég að pakka niður, taka bensín og leggja í hann. Lag dagsins: The Office með Diffusion.