Lúni maðurinn

Þá er þessari þemaviku lokið. Glöggir lesendur hafa auðvitað fyrir löngu áttað sig á að bloggarinn hvers gervi ég brá mér í síðustu 7 daga er enginn annar en Sverrir Jakobsson.

Doddi benti reyndar réttilega á þá meginskyssu mína að halda athugasemdakerfinu opnu, en ég vona að mér fyrirgefist það í ljósi þess að ég svaraði engum athugasemdum í staðinn.

Þessa viku setti ég inn 27 færslur, fékk 3048 heimsóknir og er í augnablikinu í 3. sæti á BloggGáttinni yfir vinsælustu bloggin. Þó er ekki nema tæplega helmingur heimsóknanna þaðan, svo það er ljóst að það þarf ekkert sérlega mikið til að vera meðal þeirra efstu á lista. Ég býst fastlega við að leka aftur niður listann fyrir sunnudagskvöldið.

Annars vil ég nota tækifærið áður en ég fer að sofa úr mér næturvaktina og óska föður mínum til hamingju með 46 árin sem hann fyllir í dag.